Navenda Nûçeyan – Serokomarê Tirkiyê Recep Tayyip Erdogan pêşwazî li nûnerên sektora sînemayê kir. Di nav sînemageran de hunermedê kurd ê dijberê Erdogan, Mahsun Kirmizigul jî amade bû.
Serokomarê Tirkiyê Recep Tayyip Erdogan li Koşka Serokomariyê bêyî amadebûna rojnamevanan saetek û 10 xulakan hevdîtin ligel sînemageran re pêk anî.
Ji sînemageran Bîrol Guven, Şukru Avşar, Tîmur Savcı, Cemal Okan, Muzaffer Yildirim, Çagri Ozeren, Fatîh Aksoy, Necatî Akpinar, Kerem Çatay, Mehmet Bozdag, Serdar Ogretîcî, Racî Şaşmaz, Şahan Gokbakar, Yilmaz Erdogan, Mahsun Kirmizigul, Bulent Înal, Burak Ozçîvît, Oktay Kaynarca, Ata Demîrer, Tamer Karadaglı, Şoray Uzun, Demet Akbag, Onur Tan, Bahadir Ozdener, Elîf Dagdevîren û Şukru Erol Avci beşdarî civînê bûn.
Di hevdîtinê da Wezîrê Çand û Geştyariyê Mehmet Nuri Ersoy, Serokê Ragihandina Serokomariyê Fahrettîn Altun û Sekreterê Serokomariyê Hasan Dogan û Endama Lijneya Polîtîkayên Çand û Hunerê Fecîr Alptekîn jî amade bûn.
Erdogan di dema hevdîtina bi sînemageran re de yasayek derbarê parastina sînemayê de îmze kir.
Yek tişta balkêş ew bû ku di nav nûnerên sektora sînemayê de hunermedê kurd ê dijberê Erdogan, Mahsun Kirmizigul jî hebû.
Mahsun Kirmizigul piştî têkçûna “pêvajoya çareseriyê” û bi taybetî di dema şerê xendeqan de li bajarên Bakurê Kurdistanê bertekên tund li hemberî siyaseta hikûmeta Tirkiyê û Erdogan nîşan dabû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse