Li Mereşê agir bi malekê ket: Kesek mir û 4 kes birîndar bûn

RÛDAW

Hewlêr (Rûdaw) - Li bi parêzgeha Mereşê ya Bakurê Kurdistanê agir bi maleke prefabrîk ket û di encamê de ji heman malbatê kesek mir û 4 kes jî birîndar bûn.

Hat zanîn ku agir bi maleke 2 qatî ya prefabrîk ket. Li ser agahdarkirinê tîmên îtfayeyê û tenduristiyê çûn cihê bûyerê.

Tîmên îtfayeyê nêzîkî 4 saetan midexaleyî agir kirin û agir hat vemirandin.

Hat ragihandin ku ji ber şewata malê ji heman malbatê kesek mir û 4 kes jî birîndar bûn.

Tîmên tenduristiyê birîndar birin nexweşxaneyên Mereşê. 

Li gorî zanyariyan di bûyerê de du hevjîn û du zarokên wan birîndar bûne û ew kesê miriye jî bapîrê zarokan bûye.

Li aliyê din hat zanîn ku ew kesê miriye Halîl Kallî ye.