Mezlûm Ebdî û şandeya hikûmeta demkî civiyan

Hewlêr (Rûdaw) - Fermandarê Giştî yê Hêzên Sûriyeya Demokratîk (HSD) Mezlûm Ebdî, şandeyeke hikûmeta demkî ya Sûriyeyê bi serokatiya Ziyad Ayiş qebûl kir.

Di civînê de Parêzgarê Hisîçayê Nûredîn Ehmed û Fermandarê Asayîşê Mehmûd Elî Xelîl jî amade bûn.

Hat ragihandin ku her du aliyan li ser pêvajoya "têkelbûnê" (entegrasyon), rêbazên bipêşxistina aramiyê û hevkariya li herêmê gotûbêj kiriye.

Ev civîn di çarçoveya bicihanîna xalên peymana 29ê Kanûna Paşîn a di navbera HSD û hikûmeta demkî de pêk hat.