MELETÎ - Otobusa rêwiyan qulibî: Gelek mirî û birîndar

RÛDAW

Hewlêr (Rûdaw) - Li navçeya Mihacirê ya parêzgeha Meletiyê ya Bakurê Kurdistanê otobuseke rêwiyan qulibî, 4 kes mirin û 15 kes jî birîndar bûn.

Li gorî agahiyan, otobuseke rêwiyan a kompanyaya Muş Yolu Turizmê li ser rêya Meletî û Semsûrê li nêzîkî gundê Pulatê ji rê derket û qulibî.

Piştî qezayê li ser agahdarkirinê polîs, cendirme, tîmên tenduristiyê çûn cihê bûyerê.

Li gorî agahiyên destpêkê, di qezayê de 4 kesan canê xwe ji dest da û 15 kes jî birîndar bûn.