Li Urmiyeyê êriş: 7 kesan canê xwe ji dest da
Hewlêr (Rûdaw) - Li bajarê Urmiyeyê yê Rojhilatê Kurdistanê di êrişeke leşkerî de 7 kesan canê xwe ji dest da û kesek jî birîndar bû.
Medyaya Îranê ragihand ku êriş ji aliyê Amerîka û Îsraîlê ve hatiye kirin.
"Cihên niştecihbûnê hatin armanckirin"
Li gorî nûçeyên hatine belavkirin, êrişa leşkerî ya hevbeş a Amerîka û Îsraîlê li cihên niştecihbûnê yên bajarê Urmiyeyê hatiye kirin.
Hat diyarkirin ku di encama wê êrişê de 7 kesan canê xwe ji dest daye û kesek jî birîndar bûye.
Ji saetên sibehê ve êrişên Amerîka û Îsraîlê yên li Îran û Rojhilatê Kurdistanê dijwar bûne.