Hewlêr (Rûdaw) – Serok Mesûd Barzanî di salvegera Komkujiya Kurdên Feylî de got, “Kurdên Feylî di tevgera rizgariya Kurdistanê de xwedî roleke girîng in.”
45 sal di ser Komkujiya Kurdên Feylî re derbas bûn ku ji aliyê rejîma berê ya Îraqê ve hat kirin.
Serok Mesûd Barzanî di salvegera 45emîn a Komkujiya Kurdên Feylî de peyamek belav kir.
Serok Barzanî di peyama xwe de ragihand:
“Xwişk û birayên Feylî di tevgera rizgarîxwaziya Kurdistanê de xwedî roleke girîng in û komkujiya wan beşek bû ji plana tunekirina gelê Kurdistanê.”
Komkujiya Kurdên Feylî li Îraqê ji serdema paşayetiyê heta rejîma Beasê bi çend qonaxan hatiye kirin.
Qonaxa herî mezin di serdema rejîma Beasê de bû, piştî ku sala 1980an bi biryara 666 a Beasê Kurdên Feylî ji mal û milkên xwe hatin derxistin û hatin bêparkirin û biryar hat dayîn ku hemû milk û malên wan werin standin.
Li gorî amaran salên 1980î zêdetirî 22 hezar ciwanên Feylî hatin windakirin, 5000 bazirganên Feylî zindî hatin binaxkirin.
Her wiha 600 hezar Kurdên Feylî ji Îraqê ber bi Îranê ve hatin şandin.
Gelek ji wan di rêya derbederiyê de canê xwe ji dest da.
Serok Mesûd Barzanî di peyama xwe de anî ziman:
“Komkujiya Kurdên Feylî, beşek bû ji plana rejîma berê ya Îraqê ya ji bo jinavbirina gelê Kurdistanê.”
.webp&w=3840&q=75)
.webp&w=3840&q=75)
