Kelegerma havînê ye lê li Qersê teyrok dibare

Hewlêr (Rûdaw) - Îro 4ê Tîrmehê ye lê li navçeya Selîmê ya parêzgeha Qersê ya Bakurê Kurdistanê teyrok dibare.

Li navçeyê piştî baraneke gur, teyrokê dest pê kir û di demeke kurt de her der spîçil bû.

Ji ber barîna teyrokê, li ser rêya navbera Qers û Selîmê ajokaran di çûn û hatinê de zehmetî dît.

Hinek ajokar ji bo ku xwe û otomobîlên xwe biparêzin li stasyonên sotemeniyê rawestiyan û li benda rawestîna teyrokê man.

Her wiha hat zanîn ku teyrokê zerer gihandiye zeviyên çandiniyê yên li herêmê.