Kurtulmuş ji bo komîsyona çareseriyê bi berdevkên partiyan re civiya
Hewlêr (Rûdaw) - Serokê Parlamentoya Tirkiyeyê Numan Kurtulmuş beriya civîna sibê ya komîsyona pêvajoya çareseriyê, li gel koordînatorên ku partiyên siyasî diyar kirine civiya.
Numan Kurtulmuş li Parlamentoyê li gel Serokwekîla Koma DEM Partiyê Gulistan Kiliç Koçyîgît, Alîkarê Serokê Giştî yê MHPyê Fetî Yildiz, Serokwekîlê Koma AK Partiyê Abdulhamît Gul, Serokwekîlê Koma Partiya Rêya Nû Bulent Kaya û Serokwekîlê Koma CHPyê Murat Emîr civiya.
Hat diyarkirin ku di civînê de behsa civîna sibê ya komîsyonê û hûrgiliyên wê hatiye kirin.
Komîsyon dê sibê saet 11:00an li Eywana Merasîmê ya Parlamentoyê di bin serokatiya Kurtulmuş de bicive.
Piştî axaftina vekirinê ya Kurtulmuş, nûnerên partiyên siyasî dê di komîsyonê de nêrîn û nirxandinên xwe parve bikin.
Her wiha di civînê de dê rê û rêbazên xebatê û prensîbên komîsyonê bên diyarkirin.
Parlamenterên ku wekî endamên komîsyonê hatine vexwendin ev in:
AK Partî: Alîkarên Serokê Giştî Parlamenterê Trabzonê Mustafa Şen, Parlamenterê Enqereyê Kurşad Zorlu, Parlamenterê Hatayê Huseyîn Yayman, Serokwekîlê Komê û Parlamenterê Dîlokê Abdulhamît Gul, Serokê Komîsyona Dadê û Parlamenterê Stenbolê Cuneyt Yuksel, Serokê Komîsyona Daxwaznameyan û Parlamenterê Edeneyê Sunay Karamik, Parlamenterê Erziromê Selamî Altinok, Parlamenterê Antalyayê Kemal Çelîk, Parlamenterê Amedê Mehmet Saît Yaz, Parlamenterê Îzmîrê Mahmut Atîlla Kaya, Parlamentera Stenbolê Şengul Karsli, Parlamenterê Mereşê Mehmet Şahîn, Parlamentera Qeyseriyê Ayşe Bohurler, Parlamentera Kocaeliyê Radîye Sezer Katircioglu, Parlamenterê Konyayê Tahîr Akyurek, Parlamenterê Mêrsînê Alî Kiratli, Parlamentera Rihayê Cevahîr Asuman Yazmaci, Parlamenterê Tekîrdagê Gokhan Dîktaş, Parlamenterê Wanê Burhan Kayaturk, Parlamenterê Meletiyê Abdurrahman Babacan, Parlamenterê Samsunê Ersan Aksu.
CHP: Serokwekîlê Komê û Parlamenterê Enqereyê Murat Emîr, Parlamenterê Enqereyê Okan Konuralp, Parlamentera Bursayê Nurhayat Altaca Kayişoglu, Parlamenterê Amedê Mustafa Sezgîn Tanrikulu, Parlamenterên Stenbolê Turkan Elçî, Turan Taşkin Ozer, Oguz Kaan Salici, Parlamenterên Îzmîrê Murat Bakan, Gokçe Gokçen, Mehmet Salîh Uzun.
MHP: Alîkarê Serokê Giştî û Parlamenterê Stenbolê Fetî Yildiz, Parlamenterê Sakaryayê Muhammed Levent Bulbul, Parlamenterê Kirikkaleyê Halîl Ozturk û Parlamenterê Tokatê Yucel Bulut.
DEM Partî: Serokwekîla Komê û Parlamentera Qersê Gulistan Kiliç Koçyîgît, Parlamentera Erziromê Meral Daniş Beştaş, Parlamenterê Antalyayê Hakki Saruhan Oluç û Parlamenterê Stenbolê Cengîz Çîçek.
Partiya Rêya Nû: Serokê Komê û Parlamenterê Stenbolê Bulent Kaya, Serokwekîlê Komê û Parlamenterê Mêrsînê Mehmet Emîn Ekmen û Parlamenterê Îzmîrê Mustafa Bîlîcî.
Partiya Karkerên Tirkiyeyê: Parlamenterê Stenbolê Ahmet Şik.
EMEP: Parlamenterê Stenbolê Îskender Bayhan.
Partiya Yeniden Refahê: Parlamenterê Stenbolê Dogan Bekîn.
DSP: Serokê Giştî Onder Aksakal.
HUDA PAR: Serokê Giştî Zekeriya Yapicioglu.
Partiya Demokrat: Parlamenterê Îzmîrê Haydar Altintaş.