Bavê Alan li ser gorên zarokên xwe axivî

Kobanî (Rûdaw)- Bavê Alan û Xalib û hevjînê Reyhana, yên ku li ser rêya Ewropayê xeniqîn, li ser tirbên wan axivî û behsa çîroka xwe kir.

Termên Alan, Xalib û dayîka wan Reyhane li bajarê Kobanî yê Rojavayê Kurdistanê di merasîmekê de hatin veşartin.

Alan û dayîk û birayê xwe weka şehîd hatin dîtin û li Goristana Şehîdan hatin veşartin.

Bavê Alan, Ebdullah wiha got: “Piştî ku em li belemê siwar bûn bi 4 deqeyan û em gihîtin nava deryayê, şepolên deryeyê pir bilind bûn. Destpêka ku li me da ajovanê tirk xwe avêt nava avê û vegeriya kenarê derya û em hemû li şûna xwe hiştin.”

Ebdullah behsa dema mirina hevjîn û zarokên xwe kir û wiha got: “Min xwe girt û bi zarok û hevhîna xwe girt, lê tiştekî din ji destê min nedihat. Di serî de Xalib mir û piştre Alan û piştre jî hevjîna min jiyana xwe ji dest da.”

Roja Çarşemê termê zarokekî xeniqî li ser kenarê Bodrum hat dîtin. Wêneyê wî zarokî bilez li ser torên civakî hat belavkirin û hemû cîhan hejand.

Piştî belavûna wêneyê Alan, ku ligel birayê xwe û dayika xwe xeniqîn, eşker bû ku ew xelkê bajarê Kobanî yê Rojavayê Kurdistanê ne û tenê bavê wan rizgar bû.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger