Li Hewlêrê li hotelekê agir derket: Mirî û birîndar hene

RÛDAW

Hewlêr (Rûdaw) – Li Hewlêrê agir li Hotela Capitolê derketiye û di encamê de 17 kesan jiyana xwe ji dest dane û 5 kes jî birîndar bûne.

 

Peyamnerê Rûdawê ragihand li Hotela Capitol a li Hewlêra paytexta Herêma Kurdistanê agir derketiye û li gor agahiyên destpêkê 19 kesan jiyana xwe ji dest dane û 10 kes jî birîndar bûne.

 

Hat gotin ji kesên jiyana xwe ji dest dane 15 kes filipînî ne  û 4 kes jî ereb in.


 

Parêzgarê Hewlêrê Newza Hadî li cihê bûyerê daxuyaniyek da û got, hêj sedema derketina agir nehatiye zanîn û debarê bûyerê de lêpirsîn hatiye destpêkirin.



 

Rêveberê Tenduristiya Hewlerê Saman Ehmed jî ji Rûdawê re diyar kir  kesên birîndar ji bo dermankirine rakirine nexweşxaneyên derdore û kesên jiyana xwe ji dest dane ji ber dûkela ji agir derketine fetisîne.

 

Tîmên agirkujiyê ji bo vemirandina agir dixebitin.



 

Agir li beşa salona mistdanê (masaj) derketiye û piraniya kesên li salonê dixebitin welatiyên filipînî ne.

 

Xwediyê hotelê welatiyê Rojavayê Kurdistanê yê bi navê Arîf Remazan e.