Peyama Mesrûr Barzanî a ji bo Cejna Qiyamê: Bila şer û nexweşî biqedin

Hewlêr (Rûdaw) - Mesrûr Barzanî ji bo Cejna Qiyamê ya Hezretî Îsa pîrozbahî li hemû Xiristiyanên Îraq, Kurdistan û cîhanê kir.

Serokwezîrê Herêma Kurdistanê Mesrûr Barzanî di peyama xwe de ragihand:

"Em tekezî li ser pêbendbûna Herêma Kurdistanê ya ji bo xurtkirina çanda bihevrejiyan û tebayiya di navbera pêkhateyên cuda yên Kurdistanê de dikin."

Serokwezîr hêvî xwest ku ev cejn aştî û aramiyê bi xwe re bîne û bibe sedema bidawîhatina şer û nexweşiyên li Kurdistan û herêmê.

Mesrûr Barzanî di peyama xwe de got:

"Ji bo Cejna Qiyamê ya Hezretî Îsa, ez pîrozbahiyên xwe yên herî germ ji hemû Xiristiyanên Îraq, Herêma Kurdistanê û cîhanê dikim.

Ez hêvîdar im ev cejn aştî û aramiyê bîne û bibe sedema bidawîhatina şer û karesatên li Kurdistan û herêmê."

"Bihevrejiyan bingeha Kurdistanê ye"

Serokwezîr her wiha tekezî li ser parastina mafên pêkhateyan kir û anî ziman:

"Di vê cejnê de, em pêbendbûna Herêma Kurdistanê ya ji bo xurtkirina çanda bihevrejiyan û tebayiya di navbera pêkhateyên cuda yên Kurdistanê de ducare dikin.

Cejna we pîroz be, hûn her dem di nav xweşî û tendurustiyê de bin."