Cizîr: Cerdevanek di otomobîla xwe de rastî êrîşa çekdarî hat
Hewlêr (Rûdaw) - Li navçeya Cizîrê ya Şirnex a Bakurê Kurdistanê cerdevanekî bi navê Mistefa Erdem di otomobîla xwe de rastî êrîşa çekdarî hat û mir.
Li gorî nûçeya Yerel Şirnak Haber, roja Yekşemê 4ê Hezîrana 2023an li taxa Sûrê ya kolana Aydinlik a navçeya Cizîrê cerdevanê bi navê Mistefa Erdem derdora demjimêr 21:00an de di otomobîla xwe de rastî êrîşa çekdarî hat.
Piştî êrîşê otomobîla ku Mistefa Erdem tê de bû hat şewitandin.
Piştî agahdarkirinê tîmên hawarçûnê, tenduristiyê û polîs ji bo cihê bûyerê hatin şandin.
Tîmên hawarçûnê agir vemirandin Mistefa Erdem ji otomobîlê hat derxistin û ji bo Nexweşxaneya Dewletê ya Silopî ya hate birin lê tevî hewldanan jî Mistefa Erdem nehat rizgarkirin.
Li ser bûyerê lêpirsîneke berfireh hatiye destpêkirin.
#Sondakika
— Cihan Ölmez (@botanistan) June 4, 2023
Şırnak Cizre Sur Mahallesinde öldürülen kişinin kimliği netleşti. Edindiğim bilgilere göre öldürülen kişi uzun yıllardır bölgede koruculuk (Tim Komutanı) yapan Mustafa Erdem’dir. pic.twitter.com/Me8RvrRH2R