Mezlûm Ebdî ji bo Cejna Qurbanê peyamek belav kir

RÛDAW

Hewlêr (Rûdaw) - Fermandarê Giştî yê HSDyê Mezlûm Ebdî di peyama xwe ya Cejna Qurbanê de got, “Em hêvî dikin ku aştî li seranserî welêt serdest be û hemû koçber vegerin malên xwe.”

Fermandarê Giştî yê Hêzên Sûriyeya Demokratîk (HSD) Mezlûm Ebdî ji bo Cejna Qurbanê peyamek belav kir.

Mezlûm Ebdî di peyama xwe de anî ziman:

“Em Cejna Qurbanê li malbatên şehîdan, şervanên Hêzên Sûriyeya Demokratîk, hemû Sûriyeyiyan û cîhana Misilman pîroz dikin.

Em hêvî dikin ku aştî li seranserî welêt serdest be û hemû koçber vegerin malên xwe.

Werin em bi hev re beşdarî avakirina qonaxa nû û xurtkirina jiyana hevbeş bibin.

Cejna Qurbanê pîroz be.”