Li Agiriyê otomobîlekê li 2 jinan da, yek ji wan mir
Hewlêr (Rûdaw) - Li parêzgeha Agiriyê ya Bakurê Kurdistanê, otomobîlekê li 2 jinan da ku wan dixwest ji aliyê din ê rê derbas bibin.
Di vê qezayê de jinek mir û ya din jî bi giranî birîndar bû.
Qeza li ser rêya Agirî-Erziromê qewimî.
Otomobîla bi plakaya 06 EYP 628 a ku S.K. diajot, li her du jinan da.
Li ser agahdarkirina kesên derdorê, tîmên tenduristiyê û polîs çûn cihê bûyerê.
Her du jinên birîndar bi ambulansan rakirin Nexweşxaneya Perwerde û Lêkolînê ya Agiriyê.
Lê yek ji wan nehat rizgarkirin û li nexweşxaneyê mir.