Nêçîrvan Barzanî û Emar Hekîm pêwendiyên Hewlêr û Bexdayê gotûbêj kirin
Hewlêr (Rûdaw) - Serokê Herêma Kurdistanê Nêçîrvan Barzanî û Serokê Tevgera Hîkmetê ya Îraqê Emar Hekîm rewşa Îraqê û pêwendiyên Hewlêr-Bexdayê gotûbêj kirin.
Serokê Herêma Kurdistanê Nêçîrvan Barzanî îro li Hewlêrê Serokê Tevgera Hîkmetê ya Niştimanî ya Îraqê Emar Hekîm û şandeya pê re qebûl kirin.
Serokatiya Herêma Kurdistanê derbarê civînê daxuyaniyek da û diyar kir ku rewşa giştî ya Îraq û Herêma Kurdistanê, pêvajoya siyasî ya welat, pêwendiyên di navbera Hewlêr û Bexdayê de, hilbijartinên bê yên Îraqê û rewşa herêmê hatin gotûbêjkirin.
Li gorî daxuyaniya Serokatiya Herêma Kurdistanê, her du aliyan tekezî li ser girîngiya çareserkirina pirsgirêkên Îraqê, bi taybetî pirsgirêkên di navbera Hewlêr û Bexdayê de kir.
Her du aliya tekez kir ku hevkariya di navbera aliyên siyasî û pêkhateyan de ji bo rûbirûbûna pirsgirêkan û parastina aramî û îstiqrara welat gelekî girîng e.