Hewlêr (Rûdaw) – Serok Mesûd Barzanî bi boneya koça dawî ya Profesor Dr. Cemal Nebez peyameke sersaxiyê arasteyî malbat û dostên wî kir û tê de got: “Cihê destê wî diyar e û berhem û karên wî cihê pêzanînê ne.”
Serok Barzanî di peyama sersaxiyê de wiha got: “Bi mixabiniyê nûçeya koça dawî ya bîrmendê gelê me Profesor Dr Cemal Nebez gihîşte min. Bi vê boneya xemgîn serxweşiyên xwe pêşkêşî we û kesukar û dostên xwedê jêrazî û hemû ronakbîr û nivîskar û rewşenbîran dikim. Ji Xwedayê mezin hêvîdar im giyanê xwedê jêrazî bi bihûşta fireh şad bike û sebir û aramiyê jî bi me hemû aliyek bibexşe.”
Barzanî herwiha diyar kir Profesor Dr Cemal Nebez xizmeteke zêde li warê rewşenbîrî û hişyariyê kiriye û cihê destê wî diyar e û berhem û karên wî cihê pêzanînê ne.
Îro nivîskar û bîrmendê navdar ê Kurd Profesor Dr. Cemal Nebez di temenê xwe yê 85 salî de ji ber nexweşiyekê li paytexta Almanyayê bajarê Berlînê koça dawî kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse