Bersiva HSDyê ji bo îdiayan: Nûçeyên êrişê derew in

Hewlêr (Rûdaw) - Hêzên Sûriyeya Demokratîk (HSD) bi daxuyaniyeke fermî bersiva wan îdiayan da ku digotin hêzên wan êrişî bajarê Helebê kiriye û ev nûçe derewand.

Navenda Ragihandinê ya HSDyê tekez kir ku hêzên wan bi ti awayî beşdarî êrişên li ser Helebê nebûne.

Navenda Ragihandinê ya HSDyê derbarê nûçe û îdiayên ku li ser medyaya civakî û hinek dezgehên ragihandinê belav bûne daxuyaniyeke nivîskî weşand.

Di wan nûçeyan de dihat îdiakirin ku hêzên HSDyê dest bi êrişê kirine û li bajarê Helebê operasyonan dikin.

"Hemû îdia derew in"

HSDyê di daxuyaniya xwe de ev îdia bi tundî red kirin û got:

"Hêzên me bi ti awayî êrişî ti deverên bajarê Helebê nekiriye û hemû îdiayên di vê derbarê de tên kirin derew in û rastiyê nîşan nadin."

Rewşa Helebê

Divê were gotin ku li bajarê Helebê, bi taybetî li derdora taxên Şêx Meqsûd û Eşrefiyeyê yên Kurdan, di navbera Hêzên Ewlekariya Hundirîn (Asayîş) û hêzên hikûmeta Şamê de alozî û pevçûn hene.

Lê belê HSDyê bi vê daxuyaniyê xwest zelal bike ku hêzên wan ên leşkerî beşdarî şerê li bajêr nebûne.