Hewlêr (Rûdaw) - Li parêzgeha Êlihê ya Bakurê Kurdistanê barhilgireke ku bare wê genim bû wergeriya û agir pê ket. Di encama bûyerê de 4 kesan canê xwe ji dest dan û 2 kes jî birîndar bûn.
Îro Duşemê 10ê Temûza 2023an li parêzgeha Êlihê nêzîkî Pira Kantarê barhilgireke ku barê wê genim bû ji rê derketiye û wergeriyaye. Piştî wergerandinê agir pê ketiye.
Li ser agahdarkirinê tîmên agirvemirandinê û tenduristiyê çûne cihê bûyerê û midexaleya agir kirine.
Li gor zanyariyan şofêr û 3 kesên din li cihê bûyerê canê xwe ji dest dane û 2 kesên birîndar jî bo Nexweşxaneya Perwerde û Lêkolînê ya Êlihê hatine veguhestin.
Piştî bûyerê Parêzgarê Êlihê Ekrem Canalp çûye cihê bûyerê.