Rûdaw
Hewlêr (Rûdaw) – Navenda Metro ya parastina mafên rojnamevanan, êrîşa ser tîma Rûdawê ya li bexdayê şermezar kir û daxwaz ji hikûmeta Iraqê kir ku pêşiya destdirêjiya li ser rojnamevanan bigre û wan biparêze.
Nevenda Metroyê bi daxuyaniyekî ragihand, “Çend endamekî mîlîsî destdirêjî li tîmekî Tora Medyaya Rûdawê kirine, amûrên wan şikînandine û herwiha amûrên weşana zindî jî dizîne.”
Navenda Metroyê di daxuyaniya xwe de daxwaz ji hikûmeta Iraqê kir ku pêşiya êrîşên wiha bigre û maf û canê rojnamevanan biparêze.
Duh bi şev li kolana Filistîn a rojhilatê Bexdayê, li parka otomobîlan a NexîlMolê otomobîleke bombebarkirî teqiya bû.
Piştî teqînê xwekujekî xwe di nava xelkê de teqandibû û di encamê de 15 kes hatibûne kuştin û 35 kes jî birîndar bibûn.
Peyamnêrê Rûdawê Behmen Hesen ragihand ku hêzên ewlekariyê rê nedane tîma Rûdawê bi awayeke zîndî dîmenên cihê bûyerê veguhezin û herwiha kameraya di destê kameraman de jî şikînandin
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse