Serokê Herêma Kurdistanê û Seroka Şaredariya Parîsê civiyan

Parîs (Rûdaw) – Serokê Herêma Kurdistanê Nêçîvan Barzanî ku bi serdaneke fermî li Fransayê ye, îro Pêncşemî 11ê Tîrmeha 2019 bi Seroka Şaredariya Parîsê Anne Hidalgo re civiya.

 

Civîna navber Nêçîrvan Barzanî û Anne Hidalgo derdora saetekê dom kir.

Piştî civînê, Seroka Şaredariya Parîsê Ann Hidalgo û Serokê Herêma Kurdistanê Nêçîrvan Barzanî diyarî pêşkêşî hev kirin.

 

Serokê Herêma Kurdistanê, Nêçîrvan Barzanî li ser vexwandina fermî ya Serokê Fransayê Emmanuel Macron serdana wî welatî kiriye û duh li Koşka Elyseeyê ji aliyê Macron ve bi germî hat pêşwazîkirin.

 

Nêçîrvan Barzanî herwiha duh bi Wezîrê Derve yê Fransayê Jean-Yves Le Drian re jî hevdîtin pêk anîbû.