KOYE - Bi mûşekê êrişî kampeke PDK-Îyê hat kirin

Hewlêr (Rûdaw) - Êrişî Kampa Zewî Sipî ya PDK-Îyê ya li Koyeya parêzgeha Hewlêrê hat kirin.

Çavkaniyeke ji kampê got, ti ziyana canî çênebûye.

Demjimêr 19:00ê êrişî Kampa Zewî Sipî ya Partiya Demokrat a Kurdistanê-Îran (PDK-Î) ya li sînorê qezaya Koyeyê hat kirin ku taybet e bi jin, zarok û xelkê sivîl.

Çavkaniyeke ji kampê ji Rûdawê re ragihand, êriş bi dronê hatiye kirin lê ti ziyana canî nebûye.

Ev cara yekem e êrişî Kampa Zewî Sipî ya PDK-Îyê li Koyeyê tê kirin.

Piştî şerê Amerîka û Îsraîlê li gel Îranê ku îro 13 roj in berdewam dike, çend carên din jî sînorê qezaya Koyeyê, bi taybetî kampên Emîriyeyê û Azadiyê rastî êrişan hatine.