Pîrmam (Rûdaw)- Serokê Herêma Kurdistanê Mesûd Barzanî û Serokê Parlamentoya Kurdistanê Yûsif Mihemed li bajerokê Pîrmam civiyan û di wê hevdîtinê de çend pirsên girîng hatin gotûbêjkirin.
Serokê Parlamentoya Kurdistanê Yûsif Mihemed derbarê naveroka wê civînê, ji Rûdawê re ragihand: “Di wê hevdîtinê de, me behsa pirojeyê destûra Kurdistanê kir, ku hinek alî daxwaza serastikirina hinek madeyên wê dikin.”
Yûsif Mihemed wiha domand: “Em rêkeftin ku di demeke nêzîk de gotûbêj li ser wan madeyan bikin û rêkeftina siyasî li ser destûr bê kirin.”
Bi gotina Serokê Parlamentoya Kurdistanê, di wê civînê de her wiha pirsa lidarxistina Kongireya Neteweyî ya Kurd hat gotûbêjkirin û nirxdandin.
Mihemed wiha got: “Em li ser bi dawîhatina dema serokatiya Mesûd Barzanî wek Serokê Herêma Kurdistanê axivîn.”
Ev yek di demehê de ye ku 15-8-2015 dema serokatiya Barzanî bi dawî tê û wek Serokê Parlamento dibêje, ew dixwqazin ji niha ve li ser wê mijarê li hev bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse