Balyoza Fransayê Şaredariya Bajarê Mezin a Amedê ziyaret kir

RÛDAW

Hewlêr (Rûdaw) - Balyoza Fransayê ya Enqerê li gel şandeyekê Şaredariya Bajarê Mezin a Amedê ziyaret kir û bi Hevseroka Şaredariyê Serra Bucakê re civiya.

Şaredariya Bajarê Mezin a Amedê li ser hesabê xwe yê medyaya civakî ragihand ku Balyoza Fransayê ya Enqerê Isabelle Dumont û Şêwirmendê Karên Siyasî yê Balyozxaneyê Kilian Vivien ku ji bo çend hevdîtinan hatibûn Amedê, Şaredariyê ziyaret kiriye.

Balyoza Fransayê ya Enqerê Isabelle Dumont û şandeya li gel ji aliyê Hevseroka Şaredariyê Serra Bucak ve hat pêşwazîkirin û piştre civiyan.

Şaredariya Bajarê Mezin a Amedê derbarê serdanê got”

Di hevdîtina li gel Hevşaredar Bucakê de, li ser bipêşketinê li herêmê nêrîn hatin guhertin.

Bucakê kêfxweşiya xwe anî ziman û spasiya Dumontê kir. Hevberdevkên Encûmena Şaredariya Bajarê Mezin a Amedê Demet Ceylan û Ayhan Karatekin jî di vê hevdîtinê de amade bûn.”