Hikûmeta Kurdistanê 20 milyon dolar heqdest da Kompaniya Şamaran a petrolê

Hewlêr (Rûdaw) – Hikûmeta Herêma Kurdistanê 20 milyon û 600 hezar dolar weke heqdest da Kompaniya Şamaran a Kenedî ku li kêlgeha Etrûş kar dike.

Kompaniya Şamaran a Kanadî ku li kêlgeha Etrûş li ser kar e ragihand ku, bihayê 20 milyon û 600 hezar dolar weke heqdest ji Hikûmeta herêma Kurdistanê wergirtine.

Kompaniya Şamaran ragehand bihayê 15 milyon û 700 hezar dolar ji wî pareyî li cihê şandina petrolê bûye ku di meha hezîranê ya îsal bo bazarên cîhanê hate hinardekirin.

Herwiha Kompaniya Şamaran 4 milyon û 900 hezar dolarên din jî li hember rakêşana boryeke şandina petrolê wergirtine.

Ji bilî Kompaniya Şamaran, kompaniya TAQA ya Îmaratî jî ji wan kompaniyên petrolê ye ku beşdare li pêşxistina kêlgeha petrolê Etrûşê bûye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger