Li Amedê pevçûn: 4 kes birîndar bûn

RÛDAW

Hewlêr (Rûdaw) - Li navçeya Kayapinarê ya Ameda Bakurê Kurdistanê, di pevçûna navbera du koman de 4 kes birîndar bûn.

Bûyer li Kolana 13an a Sîteya Pîşesaziyê ya 4emîn a Taxa Talaytepeyê qewimî.

Sedem nayê zanîn

Li gorî agahiyan, di navbera du koman de ji ber sedemeke ku hîn nayê zanîn nîqaş derket û veguherî pevçûnê.

Li ser agahdarkirinê tîmên tenduristiyê û cendirme çûn bûyerê.

4 kes hatin derbkirin

Di pevçûnê de 4 kesên ku derb xwarin birîndar bûn.

Tîmên tenduristiyê birîndar bi ambulansan veguhastin nexweşxaneyên li bajêr da ku bên dermankirin.