Piştî civîna ligel Serokwezîrê Herêma Kurdistanê Mesrûrî, Serokê Herêma Kurdistanê Nêçîrvan Barzanî li ofîsa xwe pêşwazî li Wezîrê Derve yê Qeterê, Mihemed bin Ebdulrehman Al Sanî kir û civîna wan dest pê kir.

Serokwezîrê Herêma Kurdistanê Mesrûr Barzanî pêşwazî li gel Mihemed bin Ebdulrehman Al Sanî û şanda ligel kir û ketin civînê.

Biryar e Al Sanî bi Serokê Herêma Kurdistanê Nêçîrvan Barzanî û rayedarên din re jî bicive.

Tê çaverêkirin Al Sanî ligel berpirsên Herêma Kurdistanê behsa geşedanên dawî yên li herêmê peywendiyên Herêma Kurdistanê û Qeterê gotûbêj bike.

Hewlêr (Rûdaw) - Wezîrê Derve yê Qeterê, Mihemed bin Ebdulrehman Al Sanî bi serdaneke fermî gihîşte Hewlêra paytexta Herêma Kurdistanê.

Wezîrê Derve yê Qeterê, Mihemed bin Ebdulrehman Al Sanî piştî serdana xwe ya bo Bexdayê bi serdaneke fermî gihîşte Balafirxaneya Navdewletî ya Hewlêrê.

 Mihemed bin Ebdulrehman Al Sanî li balafirxaneyê Ji aliyê Cîgirê Serokwezîrê Herêma Kurdistanê Qubad Talebanî û Wezîrê Navxwe yê Herêma Kurdistanê Rêber Ehmed, Serokê Dîwana Serokatîya Herêma Kurdistanê Fewzî Herîrî, Berpirsê Peywendîyên Derve yê Herêma Kurdistanê Sefîn Dizeyî, Serokê Dîwana Hikûmeta Herêma Kurdistanê Ûmêd Sebah ve hat pêşwazîkirin.

Mihemed bin Ebdulrehman Al Sanî Bexdayê kiribû û ligel Serokwezîrê karbirêker ê Iraqê Adil Ebdulmehdî, Serokkomarê Iraqê  Berhem Salih, Serokê Parlementoya Iraqê Mihemed Helbûsê civiya bû.

Wezîrê Dervê yê Qeterê Mihemed bin Ebdulrehman Al Sanî di civînên xwe yên li Iraqê da aşkere kiribû ew amadene navybeynkariyê bikin bo kêmkirina aloziyan li herêmê.