Hewlêr (Rûdaw) - Di bombebaraneke li ser bajarê Kirmaşanê yê Rojhilatê Kurdistanê de dayîkek û zaroka wê ya du salî mirin.
Welatiyekî ji bajarê Kirmaşanê îro ji Rûdawê re ragihand:
"Doh (şemî) li nav bajarê Kirmaşanê êrişî hinek hedefan hat kirin û di encamê de dayîkek û zaroka wê hatin kuştin.
Mala wê jinê nêzîkî cihekî bû ku hatibû armanckirin. Ji ber vê jî xaniyê wan hilweşiya û ew û zaroka xwe di bin kavilan de man."
Li gorî gotina wî welatiyî, navê dayîkê Faîze Reyhanî û navê zaroka wê jî Ebra Jirfî ye.
Êrişên hevpar ên Amerîka û Îsraîlê
Îsraîl û Amerîkayê, berbangê 28ê Sibatê dest bi êrişeke berfireh û hevpar a li ser Îranê kir.
Yek ji wan cihên ku herî zêde tê bombebarankirin jî Kirmaşan e.
Li gorî amarên dawî yên aliyê Îranê, heta niha li Îran û Rojhilatê Kurdistanê kuştina 2 hezar û 729 kesan hatiye piştrastkirin û 15 hezar kes jî birîndar bûne.
#VÎDEO - Şer gur e û jin û zarokên Kurd dimirin #IranWar pic.twitter.com/JmRYvU2Pv2
— RudawKurdi (@RudawKurdi) March 15, 2026
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse