Şaşiyek çêbû. Tika ye paşê dîsa hewl bide.
Hewlêr
Hewlêr (Rûdaw)- Warsên pêşmergeyên şehîd ên şerê DAIŞê ku piraniya wan jin bûn, bi xemla reş di roja dabeşkirina alîkariyên kampanyaya Renca Şehîdan de kom bûn.
Piştî Silêmanî û Helebce, şeva borî li hotêla Divan a Hewlêrê, alîkariyên kampanyaya Renca Şehîdan a Rûdawê bi ser komek malbatên şehîdên şerê DAIŞê de hat belavkirin.
Di vê kombûnê de xwediyê porê reş û xwediyê gustîlkên bukîniyê yên nû hebûn.
Jibilî vê holê, gotina şehîdên serbilind û rijdbûna parastina xak û rûmetê, ew civandin.
Di nava wan malbatên şehîdan de, malbatên pêşmergeyên kevin jî hebûn, ku beriya niha beşdarî şoreşên kurdî li dijî rêjîma Iraqê bibûn û di şerê DAIŞê de rijdbûn rêya pêşmergetiyê temam bikin.
Beşek ji van malbatan zêdetirî şehîdekî dane, vî kesî 2 şehîd dane, birayek û kurek wî di rojekê de şehîd bûne.
Ev malbatên amade çîrokên pir dijwan bi xwe re anîne. Malbatek dibêje, roja ku bavê me şehîd bû, roja piştre xwedê piştî 3 keçan, keçek din da wan. Keça şehîd a mezin dibêje, ne bavê min keça xwe dît û ne jî xuşka min bavê xwe dît.
Piştî gotara Ako Mihemed, belavkirina alîkariyan dest pê kir. Her malbateke şehîdan 13 hezar dolar pere wergirt, hinek malbat jî jibilî pere, xanî û kursiyên xwendinê wergirtin.
Şeva 13ê Tîrmehê jî li bajarê Silêmaniyê, alîkariyên kampanyaya Renca Şehîdan a Rûdawê bi ser malbatên şehîdên Helebce û Silêmaniyê de hatibû belavkirin.
Li Kerkûk û Dihokê jî dê bi heman awayî alîkarî bi ser malbatên şehîdan de bê belavkirin.
Di encama kampanyaya Renca Şehîdan a Rûdawê de ku ji 25ê Nîsana îsal heta 5ê Gulanê dom kir, 17 milyon û 197 hezar û 950 dolar, 71 xanî û 350 kursiyên xwendinê hatibû komkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse