Alîkariya civanên rojhilatê
Slêmanî (Rûdaw) - Ji bilî hevkariyên rojane ku digihîjin kampên penaberan, vê carê jî Kurdên Rojhilatê li welatê Norveçê bi navê ‘Yekîtiya Binemalên Kurdistanî’ 10 milyon dînarên Iraqî (8 hezar û 500 dolar) kom kirin û ev pere ser malbatên koçberan hate belavkirin.
Piraniya malbatan ku ji çiyayê Şengalê koçber bûne, gelek endamên wan hê negihîştine wan û ji aqubeta wan bêagahîne. Yek ji wan Qeyser e ku qasê mehek li Çiyayê Şengalê maye. Ji bilî dê û bavê xwe yên nexweş nekarîne endamên dîtir ên malbatê rizgar bikin û 9 endamên malbatê li Çiyayê Şengalê mane. Wergirtina ev pereyên ku ciwanên Rojhilatê kom kirine dê pêdiviyên wan ên zerûrî bicih bîne.
Di nava Kampê E’rbeta de 110 malbatên êzîdî û şebek niştecî bûne û bo her malbatek 90 hezar dînar (75 dolar) dikeve. Her wiha ev alîkarî bi rêya Dezgeyê Xêrxwazî ya Barzanî gihîşte wan koçberan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse