Hikûmeta Rûhanî hikûmeta Ehmedînejad sûcdar dike

Navenda Nûçeyan - Hikûmeta Îranê ya ku Hesen Rûhanî serokatiya wê dike ji ber pirsgirêkên aboriya wî welatî serokomarê berê yê Îranê Ehmedînejad sûcdar kir. 

Serokomarê Îranê yê berê Mehmûd Ehmedînejad li ser hesabê xwe ya medyaya civakî îdia kir ku hikûmet nikare walet birêve bibe û Rûhanî ji bo nîqaşê dewetî têlevîzyonê kir.  

Ehmedînejad li ser hesabê xwe yê medyaya civakî wiha got: "Eger hûn nizanin welêt bireve bibin, dev ji kar berdin. Qey hûn devjikarberdanê jî nizanin. Karê dewletê ji îradeya gel re bihêlin û radestî dengê wan bikin."

Serokê Ofîsa Serokomariya Îranê Mehmûd Weîz bersiv da sûcdarkirinên Ehmedînejad û wiha axivî:

"Ehmedînejad gel dixapîne. Îro sedema herî mezin ya pirsgirêkên aboriya welêt polîtikayên Ehmedînejad ên wê heyamê bûn. Gel baş dizane ka kê sozen xwe bi cih anîne, kê neanîne. Gel dizane ên ku bûne sedema dorpêçan kî ne."

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger