Ji maweyê meha derbasbûyî ve, li deverên çiyayî yên ser bi parêzgeha Hewlêrê ve zêdetirîn rêjeyeke zêde ya berfê lê bariye, bi taybetî navçeyên sînorî li Soran, Riwandiz û Balekayetî.

Cihên geştyarî yên Korek û Bêxal ku werzên havîn û zivistanê hejmareke zêde ya geştyaran berê xwe didinê, bi berfê bi tevahî spî bûne û ji ber wê yekê di van rojan de jî hejmareke zêde ya xelkê serdana wan navçeyan dikin.

Li hinek cihên wan navçeyan, zêdetir ji 2 metre berf bariye û tenê di maweyê rojên 12 ta 14ê Sibatê zêdetirî 30 santîm berf li navenda bajarê Soran bariye. Qaymeqamê Soranê jî ragihandiye, nêzikî 30 sal e bi qasî îsal berf li wê herêmê ne bariye.

Wêneyên sirûşta Çiyayê Korek û Bêxalê roja 15ê vê mehê hatine tomarkirin.