Li Mûşê muxtarên 4 gundan ji kar hatin dûrxistin
Hewlêr (Rûdaw) - Muxtarên çar gundên ser bi navçeya Milazgira parêzgeha Mûşê ya Bakurê Kurdistanê ji kar hatin dûrxistin.
Li gor medyaya Tirkiyê, bi biryara Wezareta Navxwe ya wî welatî 12ê Sibata îsal di operasyonekê de hêzên ewlekariyê yên Tirkiyê bi ser malên muxtarên 4 gundên ser bi Milazgirê de girtin.
Di wê operasyonê de, muxtarê gundê Yeramîşe Mehmet Kaya, muxtarê gundê Axwêran Milazim Altun, muxtarê gundê Elîqarxane Sertip Demir û muxtarê gundê Qasimî Salih Soylemez hatin desteser kirin.
Ew her çar muxtar bi hinceta ku hatine desteserkirin, bi biryara Wezareta Navxwe ya Tirkiyê ji kar hatin dûrxistin.
Tê çaverêkirin ku li şûna wan muxtaran qeyûm bên danîn.