Ehmed Turk bû namzedê BDPê yê Şaredariya Mêrdînê

Hewlêr (Rûdaw) – Hevserokê Kongreya Civaka Demokratîk (KCD) û Parlamenterê Serbixwe yê Mêrdînê Ehmed Turk bû namzedê BDPê yê Şaredariya Mêrdînê.

Duh (15.12.2013) li bajarê Mêrdînê û hemû navçeyên wê hilbijartinên namzedên şaredariyan bo destnîşankirina namzedên hilbijartinên herêmî yên Tirkiyê hat lidarxistin.

Li navenda Mêrdînê, 7 kesan li ser namzediya şaredariyê hevrikî kirin: Ehmed Turk, Yuhanna Aktaş, Mahmût Bîngol, Osman Ozçelîk, Sebat Yildirim, Talat Seyhan û Mehmet Selîm Dag.

Ji bo hilbijartin namzedan, li navenda Mêrdînê 3 hezar û 835, li navçeya Qoserê hezar û 113, li Nisêbînê 807, li Dêrikê jî 466  delegeyan deng da.

Hat ragihandin ku Ehmed Turk herî zêde deng bidest xistiye û bi vî awayî bû namzedê Şaredariya Mêrdînê yê BDPê di hilbijartinên herêmî yên Tirkiyê de.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger