Li Bedlîsê qeza: 3 kes mirin û 5 kes birîndar bûn

Hewlêr (Rûdaw) - Li navçeya Norşînê ya parêzgeha Bedlîsê ya Bakurê Kurdistanê otomobîlek wergeriya û di qezayê de ji malbatekê 3 kes mirin û 5 kes jî birîndar bûn.

Li navçeya Norşînê otomobîla ku Îzzettîn Alpcan diajot wergeriya newalê.

Li ser agahdarkirinê tîmên tenduristiyê, agirvemirand û cendirme çûn cihê qezayê.

Tîman midaxele kir û kesên di otomobîlê de bûn derxistin.

Di encama kontrolan de hat tesbîtkirin ku 3 kes mirine.

Tîmên tenduristiyê 5 kesên birîndar jî bi ambûlansan veguhastin nexweşxaneyê.