HSDê li Reqayê 3 çekdarên DAIŞê girtin

Hewlêr (Rûdaw) - Hêzên Hevpeymaniya Navdewletî ya dijî DAIŞê ragihand ku Hêzên Sûriya Demokratîk (HSD) li Reqayê 3 çekdarên DAIŞê girtine.

Hêzên Hevpeymaniya Navdewletî ya dijî DAIŞê di derbarê mijarê de daxuyaniyek belav kir û tê de dibêje “HSDê li Reqa du opeasyonên yekalî pêk anî û çekdarên DAIŞê hatin girtin.”

Hevpeymaniya Navdewletî amaje bi wê yekê kir ku Hêzên Sûriya Demokratîk (HSD) ji aliyê hêzên hevpeymaniya navdewletî ve di plana operasyonê de alîkariya wan kirine û di encamê de "Çekdarekî navdar ê DAIŞê Husên Xelîl Hisên, serkirdeyê şaneke DAIŞê Ebdulcebar Îmad Muxlif û yek ji alîkarê DAIŞê Xalib Semîr Mihemed bi awayekî serketî girtin.”

Fermandarê Hêza Peywira Hevbeş a Operasyonên Taybet Claude Tudor got “Şiyana HSD ya plansazkirin û pêkanîna operasyonên tevlîhev li herêma Reqqayê ji armancên me yên hevpar ên di têkbirina mayînde ya DAIŞ’ê de cih digire.”

Thanks to our #SDF partners, ISIS lost a key leader, an operative, and a facilitator. Our partner forces' hard work keeps the people of NE Syria safe. The @cmoc_sdf is committed to a stable NE Syria, & #Coalition continues to #AdviseAssistEnable our trusted partners. #DefeatISIS https://t.co/5Ize87h36t

— Operation Inherent Resolve (@CJTFOIR) March 17, 2023

Herwiha Hevpeymana Navdewletî dibêje ku ew dê li ser hevkariyeke serketî ya bi HSD re bimîn, da ku ewlehî û aramî li herêmê dabîn bike.

Di şerê navxweyî yê Sûriyê di sala 2013an de, Reqa ji aliyê opozîsyona Sûriyê ve hatibû girtin.

Di sala 2014an de DAIŞê Reqa girt û kir paytexta xîlafeta xwe û di encamê de bajar bû armanca êrîşên asmanî yên Sûriyê, Rûsya, Amerîka û çend welatên din û rastî wêraniyeke mezin hat.

Di 17ê Cotmeha 2017an de, Hêzên Sûriyeya Demokratîk rizgarkirina tevahiya bajêr ji destê DAIŞê ragihand.