Li Kelha Hewlêrê pêşangeha wêneyan

Hewlêr (Rûdaw) – Serokwezîrê Herêma Kurdistanê Nêçîrvan Barzanî beşdarî merasîma vekirina pêşengeha wêneyan a ji aliyê 5 wênekêşên kurd û iraqî ve hate sazkirin bû.

Ji xeynî Serokwezîrê Herêma Kurdistanê Nêçîrvan Barzanî, Cîgirê Serokwezîr Qubat Talebanî û Parêzgerê Hewlêrê Newzad Hadî jî beşdarî merasîma vekirina pêşangehê bûn.

Di pêşangeha bi navê “Ciwaniyên Veşartî” de wêneyên 5 hunermedên  ji Başûrê Kurdistanê û Iraqê têne nîşandan.

Pêşangeh ji du beşan pêk tê û di beşa yekemîn de wêneyên berê yên Iraqê û di beşa duyemîn de jî wêneyên wêrankirina şerê vê dawiyê cih girtine.

Di çarçoveya vekirina pêşangehekê de Nêçîrvan Barzanî axaft û sipasiya organizetor û beşdariyên pêşangehê kir.

Barzanî wiha got: “Çand zimanek e ku mirov dikare li cîhanê bi hesanê peywendiyên çêbike. Iraq jî weke ji aliyê çand û dîrokê ve welateke dewlemend e.”