Li Geverê di 20 pileyên jêr sifrê de masîgirtin

Hewlêr (Rûdaw) – Li navçeya  Geverê yê ser bi Colemêrg a Bakurê Kurdistanê di sermaya 20 pileyên bin sifrê de masiyan digrin. 

Şêniyên bajarê Geverê yê ser bi parêzgeha Colemêrgê ve di demsala zivistanê de diçin ser Rûbarê Mezin û masiyan digrin. 

Rûbarê ku di nava bajar re derbas dibe ji ber daketina pileyên germê,  beşekê qeşa girtiye û ew yek bûye derfet bû welatiyan ku torên xwe bavêjin û masiyan bigrin. 

Ji ber barîna berfê li Geverê û derdora wê pileyên germayê daketiye 20 pileyên bin sifrê de û ew yek bûye sedem ku beşek ji rûbarên deverê qerisîne, bi vê yekê gelek kes weke hezeke xwe  cemeda rûbaran dişkînin û masiyan digrin lê hin kes jî bo peydakirina debara jiyana xwe wan masiyan digrin. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger