Nifşê yekem ê pisîkên Wanê yê 2020ê ji dayîk bûn

Hewlêr (Rûdaw) - Nifşê yekem ê pisîkên Wanê li Bakurê Kurdistanê ku bi çavên xwe yên yek şîn û yek zer tên naskirin, ji dayîk bûn û çavê xwe ‎vekirin. 

Rêveberê Navenda Lêkolînan a Pisîkên Wanê Prof.Dr. Abdullah Kaya dibêje ku her pisîkeke ‎Wanê 4 çêlîkan tîne.‎

Pisîkên Wanê ku bi rengê çavên xwe yên cuda û pirça xwe ya spî wek berfê li cîhanê tên naskirin, li ‎Vîlaya Pisîkan a Wanê tên bixwedîkirin û parastin. Di hemû demsalan de xelk serdana wan dikin û ‎demeke xweş derbas dikin.‎

Nifşê yekem ê Pisîkên Wanê yê 2020ê ji dayîk dibin. Pisîkeke Wanê mehek berê çar çêlîk anîn dinyayê û ‎niha çêlîkên ên din jî çêdibin. 

Rêveberê Navenda Lêkolînan a Pisîkên Wanê Prof.Dr. Abdullah Kaya ‎dibêje ku heta Cotmehê dê jidayîkbûna pisîkên Wanê berdewam be.‎