Hewlêr (Rûdaw) - Saziya Keşnasiyê ya Tirkiyeyê, ji bo parêzgehên Colemêrgê, Bêdlîs, Mûş, Agirî, Wan, Sêrt, Şirnex, Erzirom û Qersê yên Bakurê Kurdistanê hişyariya berf û baranê da.
Li gel hatina biharê û pîrozkirina Newrozê li Bakurê Kurdistanê çend roj in zivistaneke dijwar heye.
Saziya Keşnasiyê ya Tirkiyeyê ragihand ku îro li parêzgehên Colemêrg, Bêdlîs, Mûş, Agirî, Wan, Sêrt, Şirnex, Erzirom û Qersê berf û baran dibare.
Li Colemêrg û Wanê aşût çêbûn û rêya Colemêrg-Şirnexê û rêya Wan-Sêrtê hatin girtin.
Li van parêzgehan ji bo egera aşût û qeşayê û bûyerên neyînî hişyarî hat dayîn û ji welatiyan hat xwestin ku tedbîrên pêwîst wergirin.
Herwiha li parêzgehên Amed, Riha, Mêrdîn, Meletî, Dîlok, Sêrt, Kilîs û Çewligê barana gur dibare.
Li Bakurê Kurdistanê pileyên germê li gorî demsalê asayî ne.