Li Rihayê agir bi konteynerekê ket: Kesek mir

RÛDAW

Hewlêr (Rûdaw) - Li bajarê Rihayê agir bi konteynerekê ket û di encamê de kesek şewitî û canê xwe ji dest da.

Li navçeya Karakopruyê ya Rihayê ji ber sedemeke nediyar agir bi konteynera li nav baxekê ket.

Agir di demeke kurt de li derdorê belav bû û otomobîla li ber deriyê konteynerê jî şewitî.

Di encamê de Şakir Topçuyê 40 salî ku di konteynerê de bû şewitî û canê xwe ji dest da.

Li ser agahdarkirinê tîmên tenduristiyê û cendirme çûn cihê bûyerê.

Tîmên parastina sivîlan agir vemirand.

Tîmên tenduristiyê jî termê Şakir Topçu ji bo otopsiyê veguhast Morga Saziya Tiba Edlî ya Rihayê.