Hewlêr (Rûdaw) – Şandeke bilind a Parlamentoya herêma Katalonya ya li Spanyayê roja Yekşemê 20ê Hezîranê serdana baregeha serekî ya Tora Medyayî ya Rûdawê li Hewlêrê kir.
Şanda Katalonya ku ji Roben Wagnsberg Sekreterê Parlamentoya Katalonya û hejmarek endamên parlamentoya wê herêmê pêk dihat, ji aliyê Rêveberê Tora Medyayî ya Rûdawê Ako Mihemed ve hat pêşwazîkirin û piştre endamên şandeyê serdana beşên cuda yên Rûdawê kirin.
Şandê herwiha spasiya Rûdawê kirin, ku sala 2017 rûmala referanduma serxwebûna Katalonyayê kiriye.
Wêne: Hadî Selîmî / Rûdaw