Navenda Nûçeyan – Li navçeya Gimgin a Mûşê li tesîsa xwedîkirina masiyên deqsor dest bi hildana xerzên masiyan kirin.
Li tesîsa li Beşîkkayaya gundê Gimgimîi salê 30 milyon masiyên keskesor û 7 milyon masiyên deqsor ji hêkan tên derxistin.
Abdurrahman Baltaşê xwediyê tesîsa masiyan diyar kir ku her sal di meha sibat û adarê de xerzên masiyan hildidin.
Baltaş da zanîn masî zehf hesas in û divê di cihekê şa bêdeng û bêstres de werin xwedîkirin û wiha axifî: "Em masiyên hatine xerzdanînê hildidin beşa taybet. Masiyên deqsor di avên sar û pak de dijîn. Em li tesîsa xwe ya li berpala çiyê ya ku bilindahiya wê 2060 mêtre ye masiyan xwedî dikin."
Di berdewamiya axaftina xwe de Baltaş got: "Em pêşiyê makemasiya ku hatiye xerzdanînê hildidin û xerzên wê kom dikin, paşê jî xerzên bavemasiyan kom dikin. Em vî xerzî li nav hev dixin. Ji bo ku dolê bigrin em 3 deqîqeyan li bendê disekinin û paşê xerzan dişon û datînin depoyên taybet. Xerzên ku qasî 45 rojan di depoyê da disekinin vedibin û jê masî derdikevin. Em masiyên ku ji xerzan derketine di hewzên piçûk de xwedî dikin. Paşê jî neqlî çêwlikên masiyên deqsor dikin û salekê li wê derê xwedî dikin. Piştî ku salek derbas dibe jî masiyên me ji bo xwarinê amade dibin."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse