Li 6 parêzgehên Bakurê Kurdistanê karkerên DEDAŞê dest bi xwepêşandanê kirin

Hewlêr (Rûdaw) - Li parêzgehên Amed, Riha, Mêrdîn, Êlih, Sêrt û Şirnexê yên Bakurê Kurdistanê, îro 21ê Temûzê karkerên Kompanya Elektrîkê ya Dicle (DEDAŞ) bi armanca zêdekirina mûçeyên xwe xwepêşandan saz kirin.

Karkerên Kompanya DEDAŞê ku bo 6 parêzgehên Bakurê Kurdistanê elektrîkê dabîn dike, daxwaza zêdekirina mûçeyên xwe û baştirkirina mafên kar dikin. Karker daxwaza mafên weke endamtiya sendîkayê, betlaneyên fermî û sivikkirina kar dikin.

Karkerên #DEDAŞ`ê ji bo zêdekirina mûçeyan li 6 parêzgehan bi awayekî hemwext çalakiyan li dar dixin.

📽️Abdulselam Akinci/Rûdaw pic.twitter.com/61mo8V6kss

— RudawKurdi (@RudawKurdi) July 21, 2023

Karkerên li bajaran li pêş avahiyên DEDAŞê kom bûn û bi diruşmên “Em ê bi berxwedanê biser kevin” xwepêşandanê dikin.

Herwiha xwepêşandanên li bajaran dê heta demjimêr 17:00 berdewam bikin.

Li #Amed`ê bi sedan karkerên #DEDAS'ê ji bo mafên xwe li ber avahiya kompaniyê xwepêşandan dikin

Video: Abdulselam Akinci/Rûdaw pic.twitter.com/VAilfBu0Js

— RudawKurdi (@RudawKurdi) July 21, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger