Şerê PKK û Tirkiyê: 100 'Herêmên Ewle' li Bakurê Kurdistanê

RÛDAW

Hewlêr (Rûdaw) - Piştî ku di navbera PKK û Tirkiyeyê de şer û alozî derket û PKKê çalakî û êrişên xwe berfirehtir kirin, Artêşa Tirkiyeyê jî li gellek deverên Bakurê Kurdistanê herêman ewle ragihand.

 

Piştî komkujiya Pirsûsê di 20ê Tîrmeha îsal de ku 32 kes têde jiyana xwe ji dest dan û di 24ê Tîrmehê Artêşa Tirkiyeyê deverên ku gerîlayên Partiya Karkerên Kurdistanê (PKK) lê diman li Başûrê Kurdistanê bombebaran kir, li Bakûrê Kurdistanê bûyer dest pê kirin û hikûmeta Tirkiyeyê li gellek bajar û navçeyên Kurdistanê herêmên ewle û qedexekirî ragihand.

 

Li gor biryarên walîtiyên bajarên Bakûrê Kurdistanê û daxuyaniyên Wezareta Navxwe ya Tirkiyeyê hejmara wan navçeyên ku wek deverên bi ewle hatine ragihaindin, nîzîkî 100 herêman bûye.

 

Navçeyên ku wek deverên bi ewle hatin ragihaindin û dîroka destpêkirin û bi dawîbûnê evin:

 

Amed: Farqîn,Lîce,Pasûr, Dicle û 19 deverên din ên Amedê heta 5 Îlonê wek navçeyên bi ewle tên ragihandin.

 

Agirî: Bazîd û çiyayê Tendurekê ji 2 Tebaxê heta 18 Tebaxê û pişt re ji 19 Tebaxê heta 2 îlonê.

 

Erzrûm: Navçeya Şenkaya heta 31 Tebaxê.

 

Mêrdîn: Nisêbîn,Kiziltepe,Mazîdag û 4 navîeyên din heta 1 Îlonê.

 

Colemêrg: Gever-Şemzînan,Çelê - 21 navçeyên çiyayî heta 27 Tebaxê.

 

Mûş: Gimgim û navçeyên çiyayî heta 29 Tebaxê.

 

Dîlok: Navçeyên ser sînora Sûriyê heta 22 Tebaxê.

 

Riha: Navçeyên ser sînor heta 21 Tebaxê.

 

Dêrsim:7 taxên bajêr, Ovacik û Nazmiye,Hozat, Mazgirt,Şemîşgezek û 14 navçeyên din yên çiyayî heta 19 Tebaxê, dibe ku careke din were dirêjkirin.

 

Şirnex: Qilaban,Beytuşebab, Cizîre, Silopî û piraniya navçeyên çiyayî, 16 Îlonê.

 

Çiyayên Besta, Cûdî, Gebar, Çirav, Qilaban ji 31 Tîrmehê ve bo heyama 6 mehan wek herêman ewle hatin ragihanin.

 

Li gor yasaya Tirkiyeyê Artêşa Tirkiyeyê û hêzên ewlekariyê dikarin li vir bi hincetên ewlekariyê û bi bê biryara dozgerî û dadweriyê mirovan bigrin, malan û kesan kengî bixwzin teftîş bikin, lêpirsînan bikin, dest danin ser mal û milkên xelkê.

 

Herwiha navçeyên bi ewle cuda ye ji herêmên qedexekirî, piraniya herêmên qedexekirî wek navçeyên ku şer têde çêdibin, yasayên wê dijwartirin û desthilata Artêşa Tirkiyê û hêzên ewlekariyê jî têde berfirehtire.