Dîplomatên Amerîkayî Şaredariya Amedê ziyaret kir
Hewlêr (Rûdaw) - Dîplomatên Amerîkayî bi hevserokên Şaredariya Bajarê Mezin a Amedê Serra Bucak û Dogan Hatun re civiyan
Wekîlê Konsulê Amerîkayê yê Edeneyê Roland McKay û Ataşeyê Dîplomasiya Giştî Adam Benz îro çûn Şaredariya Bajarê Mezin a Amedê.
Şaredariya Bajarê Mezin a Amedê derbarê serdanê li ser hesabê xwe yê Xê daxuyanî da.
Li gorî daxuyaniyê, di civînê de li ser birêvebiriyên herêmî û hevkariya wan nêrîn hatin parvekirin.
Hevserokên Şaredariya Bajarê Mezin a Amedê ji bo serdanê kêfxweşiya xwe nîşan da û spasiya wan kir.
Di dema serdanê de, Alîkara Sekretera Giştî Zerîn Turk, Hevberdevkên Meclisê Demet Ceylan û Ayhan Karatekîn û endama Meclisê Gulay Kiliç jî li gel Hevşaredaran bûn.
#WÊNE - Wekîlê Konsulê Amerîkayê yê Edeneyê Roland McKay û Ataşeyê Dîplomasiya Giştî Adam Benz çûn Şaredariya Bajarê Mezin a Amedê
— RudawKurdi (@RudawKurdi) May 22, 2025
🛑 Dîplomatên Amerîkayî bi hevserokên Şaredariya Bajarê Mezin a Amedê Serra Bucak û Dogan Hatun re civiyan
🛑 Di civînê de li ser birêvebiriyên… pic.twitter.com/Ek0b6V4LWk