Pêşmergeyek şehîd kir dayîka wî şîrê xwe lê heram kir

Silêmanî (Rûdaw) – Dayîka çekdarekî kurd ê DAIŞê, ku bi destê xwe pêşmergeyek şehîd kiriye, şîrê xwe li wî çekdarî heram kir.


Rêxistina DAIŞê duh vîdyoyek belav kiribû. Di vîdyoyê de dihat dîtin ku komek çekdarên kurd ên DAIŞê piştî ku gefan li kurd û Kurdistanê dixwin, pêşmergeyekî dîl jî şehîd dikin.


Ew pêşmergeyê dîl ji aliyê çekdarê kurd ê DAIŞê yê bi navê Şalaw Bextiyar ve hat şehîdkirin.


Dayîka wî çekdarê kurd ê DAIŞê ji Rûdawê re got, kurê min meha Îlona par wenda bû. Heta duh jî me nizanîbû tevlî DAIŞê bûye. Ew êdî ne kurê min e.


Du birayên wî çekdarê DAIŞê, bi awayekî xwebexş bûne pêşmerge û li dijî DAIŞê şer dikin, xûşkek wî jî di zanîngehê de dixwîne. Ew ji vê yekê dilgiran bûye û dibêje, ez şer dikim herim zanîngehê. Ez nizanim dê çawa bersiva xelkê bidim.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger