Bîlançoya birîndaran a li Rojhilatê Kurdistanê hat eşkerekirin

RÛDAW

Hewlêr (Rûdaw) - Li gorî amarên herî dawî yên Rêxistina Emergencyê ya Îranê, ji destpêka şer ve heta îro li 5 parêzgehên Rojhilatê Kurdistanê 8 hezar û 810 kes birîndar bûne.

Rêxistina Emergencyê ya Îranê amarên 10 parêzgehan belav kirin ku her 5 parêzgehên Rojhilatê Kurdistanê jî di nav de ne.

Li gorî van amaran, piştî Tehrana paytexta Îranê, parêzgeha Loristanê bi 2 hezar û 509 birîndaran di rêza duyem de cih digire.

Her wiha parêzgeha Îlamê bi hezar û 986 birîndaran di rêza sêyem û Kirmaşan jî bi hezar û 853 birîndaran di rêza çarem de ye.

Ji 20 hezar û 24 birîndarên her 10 parêzgehan, 8 hezar û 810 birîndar li parêzgehên Rojhilatê Kurdistanê hatine tomarkirin.

Ev amar nîşan didin ku ji bo her 5 parêzgehên Rojhilatê Kurdistanê rêjeyeke zêde ya birîndaran hatiye tomarkirin.