Li Rihayê kesekî hevjîna xwe û kurê xwe kuştin

RÛDAW

Hewlêr (Rûdaw) - Li navçeya Siwêregê ya parêzgeha Rihayê ya Bakurê Kurdistanê, zilamekî bi demançeyê hevjîn û kurê xwe kuştin.

Bûyer li gundê Buxçikê yê navçeya  Siwêregê qewimî.

Di navbera R.Syê 65 salî û hevjîna wî Î.Sya 65 salî û kurê wan R.Syê 29 salî de, ji ber sedemeke ku hîn nayê zanîn nîqaş derket.

Nîqaş mezin bû û R.S. bi demançeyê gule li hevjîn û kurê xwe reşandin.

Li ser agahdarkirina cîranên ku dengê çekan bihîst, tîmên tenduristiyê û cendirme çûn cihê bûyerê.

Tîmên tenduristiyê midaxeleya destpêkê li birîndaran kir.

Hat ragihandin dayîk û kur dema di rêya nexweşxaneyê de mirin.

Tîmên cendirmeyan R.Syê ku piştî bûyerê reviyabû, desteser kir.