Navenda Nûçeyan – Îro li çend parêzgeh û bajarên Rojhilatê Kurdistanê û Îranê gera duyem a hilbijartinên parlamentoyê dest pê kir. Li bajarê Ormiyê jî her du namzedên Kurd daxwaz ji dengder û alîgirên xwe dikin, ku tenê deng nedin kesekî û deng bidin her du kandîdan.
Îro înê ji saet 08;00ê serê sibehî gera duyem a hilbijartinên Parlamentoya Îranê li çend parêzgehên Îranê û Rojhilatê Kurdistanê dest pê kir, ku dê heya saet 18:00ê êvariya îro li gor dema Îranê berdewam be.
Di gera duyem a hilbijartinên Parlamentoya Îranê de, rewşa bajarê Ormiyê yê Rojhilatê Kurdistanê gelek hesas e û hilbijartina di vî bajarê Rojhilatê Kurdistanê de li cem Kurdan giringiyek zêde peyda kiriye.
Bo gera duyem a hilbijartinan, 2 namzedên Kurd û 2 namzedên Azerî li Ormiyê kêberiyê li ser 2 kursiyên parlamentoyê dikin.
Li gor zanyariyên Rûdawê, her du namzedên Kurd ên Ormiyê, Hakim Memekan û Mecîd Mîlan daxwaza ji alîgir û dengderên xwe kirine, di dema dengdanê de, dengê xwe nedin teni kesekî û deng biidn her du namzedên Kurd.
Di vê gera hilbijartinan de, her dengderek dikare li navenda hilbijartinan a Ormiyê dengê xwe bide 2 namzedan.
Di gera yekem a hilbijartinan de, kesekî Azerî bi navê Nadir Qazîpûr ku ji netewa Azerî ye, kursiyekê parlamentoyê ya bajarê Ormiyê misoger kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse