Li Herêma Kurdistanê hevberdan zêde dibin, zewac kêm dibin

Hewlêr (Rûdaw) - Li gorî amarên Encûmena Dadweriyê ya Herêma Kurdistanê, rêjeya hevberdanê di asteke metirsîdar de ye û sala borî rojane zêdetirî 34 dozên hevberdanê hatine tomarkirin.

Amarên giştî yên çar salên dawî nîşan didin ku ji 100 zewacan 24 bi hevberdanê diqedin.

Li Herêma Kurdistanê di navbera salên 2021 û 2024an de bi giştî 52 hezar û 362 hevberdan hatine tomarkirin.

Silêmanî di rêza yekem de ye

Li gorî amaran, di nava çar salên dawî de herî zêde hevberdan li parêzgeha Silêmaniyê çêbûne.

Li Silêmaniyê di navbera salên 2021 û 2024an de bi giştî 21 hezar û 483 hevberdan hatine tomarkirin ku ev tê wateya salane zêdetirî 5 hezar hevberdanan.

Li Dihokê rêje zêde dibe

Amar her wiha nîşan didin ku li parêzgeha Dihokê rêjeya hevberdanê sal bi sal zêde dibe.

2021ê li Dihokê 1,796 hevberdan hatibûn tomarkirin lê ev hejmar di sala 2024an de derketiye 2 hezar û 33 hevberdanan.

Ev yek nîşan dide ku di nava çar salan de rêjeya hevberdanê li Dihokê ji sedî 13 zêde bûye.

Hejmara hevberdanê li gorî sal û bajaran:

2021: 11 hezar û 699 hevberdan

Hewlêr: 4,043

Silêmanî: 4,767

Dihok: 1,796

Germiyan: 1,093

2022: 13 hezar û 967 hevberdan

Hewlêr: 5,645

Silêmanî: 5,533

Dihok: 1,992

Germiyan: 797

2023: 14 hezar û 312 hevberdan

Hewlêr: 5,857

Silêmanî: 5,438

Dihok: 2,164

Germiyan: 853

2024 - 12 hezar û 384 hevberdan

Hewlêr: 3,878

Silêmanî: 5,745

Dihok: 2,033

Germiyan: 728

Kêmbûna zewacê

Li hemberî zêdebûna hevberdanê, amarên zewacê di çar salên dawî de hinekî kêm bûne.

Di navbera salên 2021 û 2024an de bi giştî 214 hezar û 838 zewac hatine tomarkirin:

2021: 54,837

2022: 55,896

2023: 53,087

2024: 51,018

Bi berawirdkirina van amaran, derdikeve holê ku li Herêma Kurdistanê ji her 100 zewacan, 24 ji wan hev berdidin ku ev yek wek nîşaneyeke civakî ya girîng tê nirxandin.